Á fræðslufundi Stómasamtakanna 6. október var haldin kynning á undirfatnaði, sem er sérstaklega hannaður fyrir stómaþega. Berglind Guðmundsdóttir frá Ormsson Medical kynnti vörurnar. Fundurinn var óvenju fjölmennur, en á fjórða tug áhugasamra stómaþega og aðstandenda þeirra mættu.

Þeir sem ekki komust á fundinn, en vilja gjarnan kynna sér nánar þessar vörur er bent á þessa heimasíðu: http://www.herniasupportbelt.co.uk/

Áhugasömum er jafnframt bent á, að hafa samband við Berglindi gegnum netfangið: berglind@ormsson.is en hún mun annast pöntun á vörum fyrir stómaþega.

Áður en kynningin hófst ávarpaði Ria Smeijers, forseti Evrópsku stómasamtakanna (EOA) fundinn, en stjórn EOA var stödd í Reykjavík vegna stjórnarfundar þeirra, en Jón Þorkelsson, formaður Stómasamtaka Íslands, er jafnframt gjaldkeri Evrópusamtakanna. Ria færði samtökunum að gjöf fallega styttu af þessu tilefni, sem sýnir fólk haldast í hendur og mynda á þann hátt Jörðina, sem tákn um alþjóðlega samvinnu stómaþega.