Stómasamtök Íslands

Innihaldsríkt líf með stóma

  • Email
  • Facebook
  • Um Stómasamtökin
    • Stjórn
    • Lög
  • Ungliðahreyfingin
  • Útgefið efni
  • Tenglar
  • Gerast félagi
  • Styrkja samtökin
  • English

Um Stómasamtökin

Hlutverk

Stómasamtök Íslands (Isilco) eru hagsmunasamtök stómaþega á Íslandi sem leggja áherslu á aukin lífsgæði stómaþega með fræðslu, stuðningi og hvatningu.

Framtíðarsýn

Stómasamtök Íslands munu leggja ríka áherslu á að fólk með stóma getur lifað innihaldsríku lífi, að það öðlist aukið sjálfstraust og sigrist á áskorunum sem fylgja lífi með stóma. Áhersla verður lögð á að gera stómaþega sýnilega í almennri umfjöllun og að efld verði fræðsla og umfjöllun fyrir stómaþega, aðstandendur, fagaðila og almenning. Hlustað verður á þarfir stómaþega og eflt verður samráð við fagaðila og aðra hagsmunahópa.

Einkunnarorð

 Innihaldsríkt líf með stóma


Almennt

Stómasamtök Íslands voru stofnuð 16. október árið 1980. Þau hafa ávallt verið undir verndarvæng Krabbameinsfélags Íslands og eru eitt af elstu stuðningsfélögum þess. Þá eru Stómasamtök Íslands einnig nýjasta aðildarfélagið að Öryrkjabandalagi Íslands. Félagar samtakanna eru um 300 og eru kynjahlutföllin nokkuð jöfn. Ekki eru einungis stómaþegar í samtökunum heldur eru einnig læknar, hjúkrunarfræðingar, foreldrar og ættingjar stómaþega. Félagsmenn eru á öllum aldri, barnungir sem fjörgamlir.

Stómasamtök Íslands voru stofnuð til að styðja og leiðbeina einstaklingum sem að gengist hafa undir stómaaðgerðir þ.e ristilstóma (colostomy), garnastóma (ileostomy),þvagstóma (urostomy) svo og garnapoka (J-pouch) eða nýblöðruaðgerð. Stóma, garnapoki eða nýblaðra eru ekki sjúkdómar heldur afleiðing nokkurra sjúkdóma, fæðingargalla eða jafnvel slyss. Helstu sjúkdómarnir eru krabbamein í ristli og/eða endaþarmi, krabbamein og sjúkdómar í þvagfærum og bólgusjúkdómarnir sáraristilsbólga (Colitis Ulcerosa) og Crohns sem leggjast á ristil og meltingarveg.


Styrkir til félagsins

Ef að þú vilt styrkja Stómasamtökin hvort sem er með fjárframlagi eða öðru vinsamlega hafðu samband við okkur.
Netfangið er: stoma@stoma.is

Öll fjárframlög verða nýtt í hin ýmsu verkefni innan Stómasamtakana s.s. fræðslu og uppbyggingu félagsins.


Um stofnun samtakanna

Hér má nálgast ítarlega sögu af stofnun Stómafélagsins (forvera Stómasamtakanna) ásamt ítarefni:

  • Stofnun Stómasamtaka Íslands, tekið saman af Ólafi R. Dýrmundssyni
  • Lög Stómasamtakanna
  • Drög að reglum um heimsóknarþjónustu Stómasamtakanna
  • Fundarboð fyrsta aðalfundar
  • Frétt frá Stómasamtökunum
  • Heilbrigðismál, 27. árgangur 1979, 4. tbl., s. 11-14.
    • Bls 11, 12, 13 og 14
  • Vikan, 42. árgangur 1980, 39. tbl., s. 22-25.
    • Bls. 22, 23, 124 og 25
  • Faxi, 41. árgangur 1981, 4. tbl. s. 76-77.
    • Bls 76 og 77
  • Hús krabbameinsfélaganna

Stjórn

  • Jón Þorkelsson – formaður
  • Eva Bergmann – varaformaður
  • Fanney Lind Arnarsdóttir – fulltrúi ungliða
  • Inger Rós Jónsdóttir – stjórnarmeðlimur
  • Sigurður Jón Ólafsson – ritstjóri

Varamenn:

  • Jónína Sverrisdóttir – tengiliður á Eyjafjarðarsvæðinu
  • Þorleifur Gíslason

Skoðunarmenn reikninga:

  • Ólafur R. Dýrmundsson
  • Sigurður Flosason

Fyrri formenn:

  • 1980-1981 Ólafur R. Dýrmundsson
  • 1981-1983 Kristinn Helgason
  • 1983-1985 Örn Agnarsson
  • 1985-1989 Kristinn Helgason
  • 1989-1991 Örn Agnarsson
  • 1991-1993 Einar Þ. Mathiesen
  • 1993-1995 Ólafur R. Dýrmundsson
  • 1995-1997 Örn Agnarsson
  • 1997-2003 Sigurður Jón Ólafsson
  • 2003-2007 Kristján Freyr Helgason
  • 2007- Jón Þorkelsson

Sími stómasamtakana er 847 0694 og tölvupóstfang stoma@stoma.is:

Lög félagsins

1. gr.
Félagið heitir Stómasamtök Íslands, ISILCO. Heimili þess og varnarþing er í Reykjavík.

2. gr.
Tilgangur félagsins er að stuðla í hvívetna að velferð fólks sem gengist hefur undir stómaaðgerðir, þ.e. ristilstóma (colostomy), garnastóma (ileostomy), þvagstóma (urostomy), svo og garnapoka- (J-poka) og nýblöðruaðgerð. Þessum tilgangi hyggst félagið fyrst og fremst ná með því:

  1. að vinna á allan hátt að hagsmunum þeirra sem gengist hafa undir stómaaðgerðir, garnapoka- og nýblöðruaðgerðir og kynningu á málefnum þeirra.
  2. að stuðla að fræðslustarfsemi og miðlun upplýsinga um stómaaðgerðir og viðeigandi hjálpartæki til fólks sem þarf að gangast undir slíkar aðgerðir, sem og til aðstandenda og annarra velunnara.
  3. að beita sér fyrir því að hentug hjálpartæki séu ætíð á boðstólum og jafnframt að afgreiðsla þeirra sé sem greiðust.
  4. að efla samstarf við lækna og hjúkrunarfólk, sem annast þá er fara í stómaaðgerð eða skylda aðgerð. Einnig samtök svo sem Krabbameinsfélag Íslands, Öryrkjabandalag Íslands og CCU-samtökin.
  5. að stofna til samskipta við erlend stómasamtök.
  6. að taka að sér verkefni erlendis til hagsbóta fyrir stómaþega á viðkomandi svæði. Ævinlega skal þess gætt að verkefnin séu hæfileg að umfangi og geti ekki stefnt fjárhag Stómasamtaka Íslands í hættu.

3. gr.:
Stómasamtök Íslands eru aðili að Krabbameinsfélagi Íslands og Öryrkjabandalagi Íslands en starfa að öllu leyti sem sjálfstætt félag. Samtökin starfa á landsvísu og geta félagar orðið allir þeir sem gengist hafa undir stóma-, garnapoka- eða nýblöðruaðgerðir, greinst hafa með sjúkdóm eða fæðingargalla sem leiða kann til stómaaðgerðar, aðstandendur þeirra og aðrir velunnarar félagsins.

4.gr.
Stjórn félagsins er skipuð fimm aðalmönnum og tveim til vara, kosnum á aðalfundi. Formaður skal kosinn sérstaklega til tveggja ára í senn. Annað hvert ár skal kjósa tvo meðstjórnendur til tveggja ára og hitt árið einn meðstjórnanda. Fyrirliði ungliðahreyfingarinnar er stjórnarmaður með tveggja ára kjörtímabil í senn. Varamenn í stjórn skal kjósa til tveggja ára í senn. Á fyrsta stjórnarfundi eftir aðalfund kýs stjórnin úr sínum hópi varaformann, ritara og gjaldkera. Meirihluti stjórnar skal ætíð skipaður fólki sem gengist hefur undir stómaaðgerð. Sá sem gengur úr stjórn má gefa kost á sér á ný eftir tvö ár. Boða skal varamenn á stjórnarfundi og hafa þeir málfrelsi og tillögurétt.
Á aðalfundi skal kjósa tvo skoðunarmenn reikninga og einn til vara til tveggja ára í senn. Prófkúruhafi er stjórn félagsins eða sá stjórnarmaður sem hún veitir slíkt umboð. Kjörgengi til allra embætta er háð því að viðkomandi hafi greitt félagsgjöld sín mánuði fyrir aðalfund hið minnsta.

5.gr.
Ungliðahreyfing Stómasamtakanna velur sér fyrirliða til tveggja ára í senn. Ef fleiri en einn sækjast eftir embættinu skal kosið um það eftir sömu reglum og gilda um aðrar kosningar í þessum lögum. Fyrirliðinn skal vera stómaþegi á aldrinum 20-40 ára. Fyrirliðinn er stjórnarmaður í Stómasamtökunum með öllum þeim réttindum og skyldum sem því fylgja og tekur fullan þátt í störfum stjórnarinnar.

6. gr.
Aðalfundur skal haldinn að vori fyrir miðjan maí og er lögmætur ef til hans er boðað með minnst tveggja vikna fyrirvara. Aðalfundur hefur æðsta vald í öllum málefnum félagins. Aðrir félagsfundir skulu boðaðir með minnst viku fyrirvara. Stjórnarfundi getur formaður boðað hvenær sem hann telur henta.

7.gr.
Reikningsár samtakanna er almanaksárið og skulu endurskoðaðir reikningar lagðir fram á aðalfundi ár hvert. Árgjald skal ákveðið á aðalfundi. Atkvæðisrétt á aðalfundi hafa allir félagar, sem greitt hafa félagsgjöld sín hið minnsta einum mánuði fyrir aðalfund.

8. gr.
Til breytinga á lögum þessum þarf 2/3 greiddra atkvæða á aðalfundi.

9. gr.
Verði félaginu slitið, en til þess þarf 2/3 greiddra atkvæða á aðalfundi, skal eignum þess varið til líknarfélaga eftir því sem fundurinn ákveður.
Samþykkti á aðalfundi 4. maí 2017

Efni

  • Að ferðast með stóma
  • English
  • Fróðleikur um stóma
  • Gerast félagi
  • Heimsóknarþjónusta – s: 847 0694
  • Í fjölmiðlum
  • Innihaldsríkt líf með stóma
  • Lög
  • Matarræði eftir aðgerð
  • Ráðgjafarþjónusta
  • Spurt og svarað
  • Stjórn
  • Styrkja samtökin
  • Tenglar
  • Um Stómasamtökin
  • Ungliðahreyfingin
  • Útgefið efni

Leit

Fréttir

Félagsfundur 2. mars

Félagsfundur Stómasamtakanna verður 2. mars í húsi Krabbameinsfélagsins í Skógarhlíð .  Húsið opnar eins og vanalega kl 19:30 og fundarstörf hefjast … [Nánar...]

Fræðslufundur 2. febrúar

Fyrsti fræðslufundur á nýju ári verður fimmtudaginn 2. febrúar og fundarefni verður vörukynning frá Stoð í Hafnarfirði.  Tanja Björk Jónsdóttir … [Nánar...]

Alþjóðadagur fatlaðs fólks, 3. desember

… [Nánar...]

Fyrirlestur fyrir Stómasamtök Íslands og CCU samtökin

Fyrirlestur fyrir Stómasamtök Íslands og CCU samtökinFimmtudaginn 3. nóvember 2022 kl. 20.00Dr. med. Snorri ÓlafssonSérfræðingur í … [Nánar...]

RSS Á döfinni

  • Kraftur: Kröftug strákastund á Kex
  • Para- og kynlífsráðgjöf
  • Aðalfundur Krabba­meins­félags höfuð­borgar­svæðisins 2023
  • Góðgerðarstreymi til styrktar Mottumars
  • Selfoss: Stuðningur og ráðgjöf
  • Austurland: Viðtöl, stuðningur og ráðgjöf
  • Fjarnámskeið: Núvitund og samkennd á Zoom (4 af 5)
  • Fjarnámskeið: Núvitund og samkennd á Zoom (5 af 5)

Stoma.is · 847 0694 · stoma@stoma.is · Skógarhlíð 8 · 105 Reykjavík · Log in