Ágúst er tíður sundlaugargestur og leikur sér mikið á fjöllum.

Ágúst var búinn að glíma við erfiðar sáraristilbólgur í 5 ár þegar hann greindist með krabbamein. Þá var ljóst að aðgerð og stóma væri óumflýjanlegt og taldi hann það vera algjöran endapunkt. Eftir strembið bataferli komst hann þó fljótlega að því að stómað var ekki að fara að halda aftur af honum. Eins fljótt og hann gat var Ágúst farinn að ganga á fjöll, klifra kletta, sigla með seglskipi, klífa tinda í ölpunum og stinga sér fram af klettum út í sjó.

Ágúst lærði að stómað var ekki hindrum, heldur hugurinn, og þá vissi hann að það væru engin takmörk fyrir því hvað hann myndi fá út úr lífinu. Lífið varð leikvöllur.

Hér má fá innsýn í hversu mikið frelsi stómað gaf honum, fyrstu tvö ár hans með stóma.

Ágúst starfar m.a. sem leiðsögumaður þar sem hann fer með ferðamenn á jökla og hálendi Íslands. Slíkt starf getur óneitanlega verið krefjandi fyrir stómaþega en hefur ekki haldið Ágústi frá draumastarfinu.

Fjöldi einstaklinga sem lifa innihaldsríku lífi með stóma er langur og hvetjandi. Hér má heyra fleiri sögur:

• Dandý – Tók þátt í Ironman 5 mánuðum eftir að hún fékk stóma
• Eva – Fer í ræktina 6-12 sinnum í viku
• Inger – Sinnir húsmóðrarhlutverkinu af alúð
• Jón – Gekk á Hvannadalshnúk og varð þar með fyrsti J-poka þeginn til að gera það
• Júlía – Ferðast um heiminn með hljómsveit sinni
• Sigurður Jón – Stundar göngur og sund reglulega
• Sonja – Er ólétt að sínu fyrsta barni
• Þorleifur – Hóf að stunda fimleika eftir að hann fékk stóma
• Jónína – Eignaðist barn ári eftir að hún fékk stóma
• Klara – Hefur stundað meiri hreyfingu eftir að hún fékk stóma
• Ágúst – Er tíður sundgestur og leikur sér mikið á fjöllum