Jón Þorkelsson, formaður Stómasamtaka Íslands, var kjörinn forseti Evrópsku stómasamtakanna (European Ostomy Association – EOA), á þingi þeirra, sem haldið var í Kaupmannahöfn 5. – 8. október 2017. Jón hefur undanfarin ár verið gjaldkeri EOA, en þetta er í fyrsta sinn í okkar sögu sem félagi í Stómasamtökunum er kosinn í slíka ábyrgðarstöðu. Óskum við Jóni til hamingju með kosninguna. Ítarlegt viðtal verður við hann í næsta Fréttabréfi Stómasamtakanna.